Raġel ingħata l-ħelsien mill-arrest wara li ammetta li weġġa’ ħafif lis-sieħba tiegħu wara inċident li fih il-koppja ressqu rapporti kontra xulxin. Ir-raġel ta’ 28 sena, li ma jistax jissemma b’ordni tal-Qorti, ġie akkużat ukoll li insulrenta lill-mara u li għamel użu mhux xieraq minn apparati elettroniċi biex jagħmel theddid, fost akkużi oħra.
Madankollu, meta l-Pulizija bagħtu għalih, huwa ressaq rapport kontra l-mara li allega li kienet gidmitu, fejn wera lill-uffiċjali ritratti tal-gidma u ċ-ċertifikat mediku li allegatament sar fl-istess jum. L-ispettur tal-Pulizija Christian Cauchi qal lill-Qorti l-Erbgħa li l-mara kienet marret fit-Taqsima tal-Vjolenza Domestika. Hija u s-sieħeb tagħha kienu ilhom flimkien għal 10 snin u għandhom tifla żgħira.
Waqt vaganza mal-familja f’Għawdex, il-mara kienet skopriet li r-raġel kien qed jiskambja messaġġi ma’ mara oħra. Fit-triq lura d-dar fl-20 ta’ Awwissu, argumentaw fil-karozza. Il-mara ppruvat titlaq iżda r-raġel allegatament ħa ċ-ċavetta tal-karozza biex ma jħallihiex issuq ‘il bogħod. Allegatament spiċċa biex weġġagħha ħafif.
Fl-1 ta’ Settembru, il-mara rritornat l-għassa tal-pulizija biex tressaq rapport addizzjonali kontra l-eks sieħeb tagħha dwar inċident ieħor li ġara wkoll fil-lejl tal-20 ta’ Awwissu. L-avukat tad-difiża Ana Thomas talbet il-ħelsien mill-arrest.
Il-prosekuzzjoni infurmat lill-Maġistrat Victor Axiak li r-raġel għandu armi iżda dawn ma ġewx ikkonfiskati għax qatt ma hedded li joqtol lis-sieħba tiegħu. Il-ħelsien mill-arrest ingħata fuq depożitu ta’ €1,000 u garanzija personali ta’ €10,000. Il-Qorti ordnatlu jiffirma l-ktieb tal-ħelsien mill-arrest darbtejn fil-ġimgħa.
Il-Qorti ordnatlu wkoll jagħti l-armi lill-Pulizija. Inħarġet ordni ta’ protezzjoni favur l-allegat vittma.
L-Ispettur tal-Pulizija Christian Cauchi mexxa l-prosekuzzjoni filwaqt li l-avukat tad-difiża Ana Thomas dehret għall-akkużat.
