Fl-ewwel partita tal-Ħadd wara nofs in-nhar, mit-tielet ġurnata tas-Serie A, Roma kienu megħluba f’dahrom minn Torino bl-iskor ta’ 1-0.
Il-gowl deċiżiv kien skorjat minn Giovanni Simeone fid-59 minuta.
Il-bieraħ filgħaxija, Juventus u Napoli rebħu t-tielet partita minn tliet konfronti biex preżentament jinsabu l-ewwel fil-klassifika b’punti massimi.
Juventus rebħġu 4-3 kontra Inter, f’logħba mil-isbaħ. Il-logħba kellha tmiem drammatiku meta l-iskwadra mmexxija minn Igor Tudor, skorjaw il-gowl tar-rebħa minuta fuq id-90 minuta, b’konklużżjoni mill-isbaħ taż-żagħżugħ Montenegrin ta’ Juventus, Vasilije Adžić.
Napoli rebħu 3-1 barra minn dahrom kontra Fiorentina, b’Kevin De Bruyne, Rasmus Højlund u Sam Beukema skorjaw il-gowls taċ-champions Taljani.
Intant il-bieraħ is-Sibt, Cagliari kisbu l-ewwel rebħa tal-Kampjonat, meta f’dahrom għelbu lil Parma 2-0.
Intant, mil-bqija tal-partiti li għad fadal x’jintlagħbu minn din il-match day, għada t-Tnejn, kemm il-darba Cremonese jirbħu barra minn dahrom kontra Verona, dawn jitilgħu fl-ewwel post flimkien ma’ Napoli u Juventus.
Illum il-Ħadd għad baqa’ erba’ konfronti oħra x’jintlagbħu:
Fit-3pm Atalanta kontra Lecce
Fit-3pm Pisa kontra Udinese
Fis-6pm Sassuolo kontra Lazio
Fid-8;45pm Milan kontra Bologna.
