Tħabbret il-mewt ta’ Eileen Friggieri, mart il-kittieb u poeta Oliver Friggieri, li ftit ġimgħat oħra tkun imfakkra l-ħames sena minn mewtu. Hi kellha 80 sena.
Il-mewt tagħha tħabbret minn bintha Sara kmieni filgħodu fuq il-mezzi soċjali.
Eileen Friggieri twieldet il-Furjana u kienet toqgħod Birkirkara.
L-aħħar tislima se tingħatalha fil-knisja parrokkjali ta’ Santa Marija, magħrufa bħala l-Knisja l-Qadima, Birkirkara, nhar it-Tlieta li ġej fis-2pm.
