“Robert Abela qed jipprova jitfa’ tiegħu fuq ħaddieħor. Jien ma rridx torrijiet f’Għawdex”
Saħaq dan il-Kap tal-Partit Nazzjonalista Alex Borg f’filmat fejn iċċara l-pożizzjoni tiegħu fuq l-aħħar fake news imxerda minn Robert Abela b’reazzjoni għal dak li qal f’intervista rigward l-iSkyLine policy.
Sky-line policy li tassigura li żvilupp isir fejn għandu jkun u mhux b’tali mod li ma jkunx sostennibli – Bil-Labour qed jipprova jqarraq u jisħaq li l-Kap tal-PN Alex Borg irid xi torrijiet f’Għawdex.
Iżda Alex Borg jagħmilha assolutament ċara li hu ma jridx jara torrijiet fil-gżira Għawdxija.
Alex Borg saħaq li qed joħroġ dejjem il-paniku tal-Partit Laburista fil-konront ta’ PN ġdid mimli entużjażmu; tant li spiċċa jilgħabha tal-paladin ambjentali.
Hu fakkar dwar il-problemi varji li qed taffaċja l-gżira għawdxija anke tul dawn l-aħħar snin, minn Vapur Second Hand li l-Prim Ministru Robert Abela stess jirrifjuta li jivvjaġġa bih – għal Sptar ġdid li qatt ma sar.
Apparti min hekk Alex Borg saħaq li bil-fatti hu dejjem kien hemm għall-Għawdxin u għal ġid komuni ta’ din il-gżira tant għal qalb il-PN
Appell ta’ Partit Nazzjonalista iffukat, mmexxi b’enerġija ġdida li tħares biss lejn l-interess tal-gżejjer Maltin – kuntrarju għal Gvern li l-unika interess tiegħu hu li jqarraq bil-poplu u joħloq firda partiġġjana, minflok jagħmel dak li hu mitlub minnu u jġib l-ewwel lil dan il-pajjiż.
