Meta lbieraħ tkompliet il-kompetizzjoni tal-Ewropa League kienu reġisrarti rebħiet importanti għal Aston Villa, FC Porto u Stuttgart.
F’Villa Park :
Aston Villa 1 Bologna 0
Rebħa minima u gowl fl-ewwel minuti kienu biżżejjed għal Aston Villa kontra Bologna li din is-sena għadhom ‘il bogħod mill-wirjiet tas-sena li għaddiet. Il-gowl deċiżiv kien skorjat fit-13-il minuta minn JOHN MC GINN li għeleb lil Lukas Skorupski. Fit-68 minuta Aston Villa kellhom ċans li jirdoppjaw iżda Ollie Watkins falla minn penalty.
Fir-Red Bull Arena :
Salzburg 0 FC Porto 1
Partita li dehret se tispiċċa fi draw ta’ bla gowls, fit-tielet minuta ta’ ħin miżjud, Porto mmexxija minn Francesco Faioli skorjaw il-gowl deċiżiv. Minn azzjoni ta’ Martin Fernandez kien WILLIAM GOMES li għeleb lil Alexander Schlager fl-aħħar azzjoni tal-partita fit-93 minuta.
Fl-MHP Arena :
Stuttgart 2 Celta Vigo 1
Rużultat ta’ 0 – 0 sa tmiem l-ewwel taqsima. Fil-51 minuta Stuttgart marru fil-vantaġġ. Minn azzjoni li bdiet minn Alexander Nubel, kien BADRADINE BOUAMANI li għeleb lil Ionut Radu. Reazzjoni minima minn Celta Vigo li fit-68 minuta sofrew it-tieni gowl meta minn azzjoni ta’ Stiller kien BILAL EL KHANNOUS li mill-ġdid għeleb lil Radu.
Kien biss fit-87 minuta li Celta Vigo naqqsu l-iskor meta minn azzjoni ta’ Iliax Morika kien BORJA IGLESIAS li għeleb lil Nubel għat 2 – 1 finali.
