Ismijiet ġodda li jirriflettu esperjenza ta’ bejgħ bl-imnut aktar intelliġenti u personalizzata għal Malta u Għawdex
L-akbar netwerk ta’ bejgħ bl-imnut ta’ konvenjenza ta’ Malta se jibda jopera b’isem ġdid u dehra ġdida. Minn Ottubru, The Convenience Shop se jbiddel l-isem għal MyConvenience u MySupermarket, f’mossa strateġika biex timmodernizza l-esperjenza tal-klijent u toħloq konnessjonijiet aktar b’saħħithom max-xerrejja f’kull belt u raħal.
Issa, b’100 ħanut attiv madwar Malta u Għawdex, The Convenience Shop sar isem magħruf matul dawn l-aħħar 16-il sena. L-isem ġdid jagħti sinjal għal kapitlu ġdid għall-grupp, wieħed immexxi b’ valuri imtejba, professjonaliżmu, u personalizzazzjoni taħt tim eżekuttiv ġdid.
“Mill-mument li ngħaqadt mal-kumpanija, kien ċar li kellna pedamenti b’saħħithom ħafna u firxa nazzjonali, iżda kellna bżonn nevolvu biex nibqgħu fuq quddiem,” qal David Tabone, Uffiċjal Kap Eżekuttiv. “Il-marka l-ġdida My tirrifletti l-wegħda tagħna li noffru esperjenzi aktar imfassla apposta lill-klijenti tagħna, minn fejn u kif jixtru.”
Il-ħwienet MyConvenience se jkomplu jservu l-komunitajiet b’xiri faċli, veloċi u faċilment aċċessibbli waqt li jkunu għaddejjin, filwaqt li MySupermarket se jkun jagħti valur akbar għal listi akbar tax-xiri tal-merċa. L-istruttura l-ġdida tal-marka tippermetti lill-Grupp jissodisfa l-ispettru sħiħ tal-bżonnijiet tal-klijenti, kollha taħt identità waħda unifikata u skalabbli.
“L-isem My jikkomunika xi ħaġa sempliċi iżda qawwija: dan il-ħanut huwa magħmul għalija,” qal Pierre Mizzi, Uffiċjal Kap tal-Marketing. “Aħna verament qed noħolqu esperjenza tal-bejgħ bl-imnut li tisma’, tirrispondi u tadatta u dan huwa possibbli permezz tal-iskala kbira tagħna u impenn imġedded għall-eċċellenza operattiva.”
Filwaqt li ż-żewġ sotto-marki huma parti mill-istess familja, kull waħda għandha d-dehra distintiva tagħha: MyConvenience iżżomm l-isfar karatteristiku tal-kumpanija, filwaqt li MySupermarket tadotta ton aħdar frisk. L-identità korporattiva ġenerali, inkluż il-logo u l-komunikazzjonijiet My, huma rappreżentati f’paletta ta’ aħdar skur, li jindikaw unità u tkabbir mifrux.
Dan it-tibdil tal-marka huwa biss l-ewwel fażi ta’ trasformazzjoni akbar li qed isseħħ fi ħdan il-grupp, hekk kif it-tmexxija l-ġdida tiƯoka fuq id-diġitalizzazzjoni, l-ottimizzazzjoni tal-prezzijiet, l-aġġornamenti tal-ħwienet, u approċċ aktar responsabbli għall-bżonnijiet tal-komunità.
“Billi ngħaqqdu s-saħħa nazzjonali mal-familjarità lokali, qed nibnu xi ħaġa ferm aktar minn katina ta’ ħwienet,” żied jgħid Tabone. “Qed noħolqu marka li n-nies iħossuhom personalment konnessi magħha, u waħda li tappartjeni lilhom.”
It-tnedija tar-rebranding tibda f’Ottubru u tkompli permezz ta’ aktar innovazzjonijiet u avviżi ta’ format li se jsegwu fil-ġimgħat u x-xhur li ġejjin.
