Fit-tieni kwart tal-2025, Il-prezzijiet tal-propjetà residenzjali f’Malta komplew jogħlew, bl-Indiċi tal-Prezzijiet tal-Propjetà Residenzjali (RPPI) jilħaq il-171.93. Dan jimmarka żieda annwali ta’ 5.6% meta mqabbel mal-istess perjodu fl-2024.
Ċifri ppubblikati mill-Uffiċċju Nazzjonali tal-Istatistika, NSO, juru kemm l-appartamenti kif ukoll il-maisonettes rreġistraw prezzijiet ogħla matul il-perjodu li qed jiġi analizzat. L-Indiċi tal-Prezzijiet tal-Appartamenti kien ta’ 171.15, li jirrifletti żieda annwali ta’ 5.2%, filwaqt li l-Indiċi tal-prezzijiet tal-Maisonettes laħaq 165.90, żieda ta’ 6.7%.
Meta mqabbel mal-ewwel trimestru tal-2025, l-RPPI żdied b’1.7% fuq bażi trimestrali.
