Traġedja fil-belt ta’ Senj fil-Kroazja.
Erba’ Maltin, żewġt irġiel u żewġ nisa, mietu f’inċident li seħħ ilbieraħ wara li l-karozza li kienu fiha spiċċat fil-baħar.
Jidher li l-vittmi kienu żewġ koppji, u kienu għaddejin b’vaganza qrib il-kosta Kroata.
Il-midja tal-Kroazja qed tirrapporta li l-karozza kienet tal-kiri, u għal xi raġuni waqgħet fil-baħar wara li s-sewwieq tilef il-kontroll.
Net News kiseb l-identità tal-vittmi, iżda infurmati li l-qraba għadhom qed jiġu kkuntatjati mill-Pulizija lokali.
Illum kellha ssir l-awtopsja fuq il-katavri.
