Matul it-Tnejn filgħodu nħelsu l-ostaġġi kollha ħajjin Iżraeljani minn Gaza. Huma nqasmu f’żewġ gruppi, hekk kif kmieni filgħodu nħelsu 7 mbad ftit wara nħelsu 13 oħra.
Il-katavri ta’ madwar 28 ostaġġ Iżraeljan mistennija jittieħdu lura Iżrael fis-sigħat li ġejjin.
Dan ġie kkonfermat kemm mill-Hamas, kif ukoll mill-armata Iżraeljana.
Minn naħa tagħhom l-Iżrael bdew jeħilsu l-priġunieri Palestinjani mill-ħabs Ofer fl-Iżrael. B’kollox mistennija jinħelsu 250 priġunier Palestinjan u 1,700 ostaġġ Palestinjan, inklużi 22 tifel u tifla, fis-sigħat li ġejjin.
Waqt li għaddej ir-rilaxx tal-ostaġġi, l-President Amerikan Donald Trump wasal fl-ajruport ta’ Ben Gurion f’Iżrael hekk kif hu se jkun qed jagħmel żjara qasira fil-pajjiż. Trump hu mistenni jingħata l-ogħla unur ċivili ta’ Iżrael, il-Midalja Presidenzjali ta’ Unur Iżraeljana. Dan il-premju jirrikonoxxi l-isforzi ta’ Trump biex jassigura l-ħelsien ta’ 48 ostaġġ miżmuma mill-Hamas, fejn 20 minnhom huma maħsuba li għadhom ħajja.
