Raġel ta’ 29 sena ġie akkużat fil-Qorti li pprova jsarraf ċekk misruq. Skont il-prosekuzzjoni, l-akkużat ippruva hsarraf iċ-ċekk fuq talba ta’ persuna li kienet f’Malta b’mod illegali u li kienet sabet iċ-ċekk, u talbet lill-akkużat jagħmillufavur.
L-Ispettur Bradley Grima spjega li rapport tal-Pulizija dwar il-każ kien ġie sottomess fis-Settembru. Fil-Qorti, Ibrahim Ramadan Ahmed wieġeb li ma kienx ħati għall-akkuża ta’ “kisba ta’ flus bi pretensjonijiet foloz.”
Matul il-proċeduri ma ġiex msemmi kemm kien jiswa ċ-ċekk. L-Avukat Yanika Bugeja, talbet il-libertà proviżorja għall-akkużat, argumentata billi ma kien hemm l-ebda konnessjoni bejn il-vittma u l-klijent tagħha u lanqas periklu li jħassar l-evidenza. Semmiet ukoll li l-akkużat kellu indirizz stabbilit u xogħol.
Il-prosekuzzjoni opponiet għaliex għadhomn ma xehdux xhieda ċivili. Il-Qorti rrifjutat il-libertà proviżorja u ordnat li l-akkużat jibqa’ f’kustodja. Il-maġistrat Noel Bartolo sema’ il-każ, l-Ispettur Bradley Grima mexxa l-prosekuzzjoni, filwaqt li l-Avukat Yanika Bugeja assistiet lill-akkużat.
