Raġel ta’ 31 sena ġie kundannat multa ta’ €700 mill-Qorti ta’ Għawdex wara li nstab ħati li wara li kien involut f’inċident gravi fiż-Żebbuġ, Għawdex – fejn flimkien ma’ persuna oħra ħa minorenni kontra l-volontà ta’ ommu u wettaq diversi atti ta’ aggressjoni u theddid fuq persuni oħra.
Joey Hendrikus Joze Johanna Deckers, Olandiż – residenti f’Victoria, Għawdex ġie akkużat bi diversi reati li jinkludu aggressjoni, theddid, invażjoni ta’ proprjetà u ħsara fuq proprjetà privatha, kif ukoll li ħa tifel ta’ tliet snin, Jaivey Deckers, mid-dar t’ommu Megan Hofmann mingħajr il-kunsens tagħha.
Skont ir-rapporti tal-Pulizija u xhieda tas-Servizz Soċjali, fil-11 ta’ Ottubru 2022, Deckers flimkien ma’ persuna oħra daħlu fil-proprjetà ta’ Edward Joseph Zammit Maempel u pressawh biex jiskopru l-indirizz ta’ Hofmann.
Waqt il-proċediment il-Qorti semgħet kif Zammit Maempel ġie affettwat direttament b’użu ta’ forza, Troy Bugeja ġie ppressat waqt li Deckers kien qed iżomm lit-tifel Jaivey, u proprjetà f’dar Hofmann ġiet invaduta u ntużat b’mod ħażin. Il-Qorti qalet li l-akkużat kien attivament involut fl-avveniment u ma kienx sempliċement spettatur.
Wara eżami tal-evidenza, il-Qorti sabet li Deckers kien ħati ta’ użu ta’ forza kontra Edward Joseph Zammit Maempel, theddid fuqu, aggressjoni fuq Troy Bugeja, invażjoni ta’ proprjetà ta’ Megan Hofmann u li ħa Jaivey Deckers kontra l-volontà tal-omm.
Madankollu, ġie nstabx ħati mill-akkużi ta’ aggressjoni fuq Megan Hofmann, theddid fuq Troy u Megan, kif ukoll mill-ħsara fuq proprjetà li ma setgħetx tiġi attribwita b’mod ċar għalih. Il-Qorti kkundannat lill-akkużat għal multa ta’ €700 u ordnat li ma jagħmilx molesti, theddid jew fastidju lil Edward Joseph Zammit Maempel, Troy Bugeja u Megan Hofmann għal sena sħiħa, b’penali ta’ €1,000 għal kull persuna jekk ma jissodisfax din il-garanzija. Il-Maġistrat Dr. Jean Paul Grech ppreseda l-każ.
