Fl-Italja seħħet traġedja gravi wara l-partita tas-Serie A2 tal-basketball bejn RSR Sebastiani Rieti u Estra Pistoia, li ntlagħbet fil-PalaSojourner Arena. Wara r-rebħa ta’ Pistoia, il-partitarji ta’ Sebastiani Rieti attakkaw il-karozza tal-linja li kienet iġorr il-partita ta’ Pistoia, bil-partitarji opposti jitgħu ġebel u oġġetti iebsa, b’konsegwenza li tkissret it-tieqa u laqtet ix-xufier, bix-xufier ikun iċċertifikat mejjet fuq il-post. Rapporti indikaw li l-karozza tal-linja kienet taħt skorta tal-pulizija, iżda l-iskorta kienet telqet ftit minuti qabel l-attakk.
Is-Sindku ta’ Pistoia, Alessandro Tomasi, iddeskriva dak li ġara bħala “att kriminali li jħalli lil kulħadd bla kliem” u esprima solidarjetà mal-familja tal-vittma. Huwa żied li jinsab f’kuntatt kontinwu mal-investigaturi u mal-komunità affettwata. Il-President Joseph David ta’ Pistoia, offra kondoljanzi sinċieri lill-qraba tal-vittma u sejjaħ il-ġrajja “traġedja li tmur kontra l-valuri tal-isport u tas-soċjetà ċivili”. Min-naħa tagħhom, RSR Sebastiani Rieti kkundannaw b’mod ċar u qawwi l-vjolenza, u ċċaraw li l-klabb ma kellu xejn x’jaqsam mal-inċident.
