L-Ispeaker tal-Kamra tar-Rappreżentanti, Anġlu Farrugia, ġie elett mill-ġdid b’mod unanimu biex iservi t-tieni mandat tiegħu bħala President tal-Kumitat għall-Promozzjoni tar-Rispett tal-Liġi Umanitarja Internazzjonali fi ħdan l-Unjoni Interparlamentari (IPU).
L-elezzjoni saret waqt il-151 Assemblea tal-IPU, li bħalissa qed issir f’Ġeneva, fl-Iżvizzera.
Il-mandat imġedded tal-Ispeaker Anġlu Farrugia se jiffoka fuq it-tisħiħ tal-kooperazzjoni parlamentari fid-difiża tal-valuri umanitarji, fuq iż-żieda fil-viżibbiltà tax-xogħol tal-IPU f’dan il-qasam, u fuq l-inkoraġġiment ta’ azzjoni leġiżlattiva li tħares id-dinjità tal-bniedem u l-liġi internazzjonali fi kwalunkwe ċirkostanza.
