Qabel it-tour tal-Orkestra Filarmonika ta’ Malta fir-Renju Unit taħt id-direzzjoni tad-Direttur Mużikali Sergey Smbatyan fir-Renju Unit, l-Orkestra Filarmonika ta’ Malta se tippreżenta programm speċjali għall-udjenza Maltija b’kunċert f’Dar il-Mediterran fil-Belt Valletta, nhar il-Ħamis 6 ta’ Novembru.
Ir-repertorju tal-kunċert jinkludi l-overture ta’ The Magic Flute ta’ Mozart, flimkien ma’ xogħol ġdid tal-kompożitur Malti Karl Fiorini, The Prospects of the Future.
Il-pjanist rinomat Freddy Kempf se jkun is-solist fil-Piano Concerto Nru 2 ta’ Rachmaninoff, waqt li s-Sinfonija Nru 5 ta’ Tchaikovsky tesplora temi ta’ xewqa u fidwa bi sbuħija melodika u intensità emozzjonali.
Biljetti jistgħu jinxtraw minn showshappening.com
