L-Assoċjazzjoni Maltija tal-Lukandi u r-Ristoranti, MHRA iddeskriviet il-Budget 2026 bħala wieħed “bilanċjat, responsabbli u li jħares ‘il quddiem,” u faħħret l-enfasi tiegħu kemm fuq in-nies kif ukoll fuq min iħaddem.
Fi stqarrija wara d-diskors tal-Baġit mill-Ministru tal-Finanzi Clyde Caruana, l-MHRA qalet li l-pjan finanzjarju jipproteġi l-familji permezz ta ‘pensjonijiet ogħla, stabbiltà tal-enerġija, u appoġġ soċjali aktar b’saħħtu, filwaqt li jagħti wkoll lin-negozji l-fiduċja fiskali biex jinvestu, jinnovaw, u joħolqu aktar impjiegi ta’ kwalità.Il-President tal-MHRA Tony Zahra, qal li l-Baġit jirrikonoxxi s-saħħa tal-ekonomija ta’ Malta. Żied jgħid li billi jgħaqqad id-dixxiplina fiskali mal-kura soċjali, il-Ministru “stabbilixxa l-pedamenti għall-Viżjoni 2050 ta’ Malta – waħda ċċentrata fuq l-istabbiltà, is-sostenibbiltà, u l-prosperità kondiviża.”
L-MHRA faħħret ukoll l-impenn tal-gvern li ma jkunx hemm taxxi ġodda, finanzi pubbliċi aktar b’saħħithom, u s-sostenibbiltà bħala prijorità nazzjonali. L-Assoċjazzjoni qalet li l-investiment kontinwu fl-inċentivi tat-tranżizzjoni ekoloġika, l-iżvilupp tal-ħiliet, u d-diversita tat-turiżmu se jgħin biex jiżgura tkabbir inklussiv u fit-tul. Tony Zahra appella wkoll għal aktar politiki li jiddefinixxu b’mod ċar il-futur tal-industrija tat-turiżmu f’Malta, speċjalment l-indirizz ta’ isfidi min-naħa tal-provvista bħall-akkomodazzjoni, id-disponibbiltà tal-forza tax-xogħol, il-kapaċità tal-infrastruttura, u l-ġestjoni ambjentali.
Zahra temm jgħid li , “Is-sostenibbiltà finanzjarja hija l-aħjar investiment fl-ekonomija,”
