The Medina Foundation for Music kompliet tafferma l-impenn tagħha li tippromwovi l-arti mużikali u kreattiva. Fic-Centru ta’ dan kollu hemm is-St Paul’s Metropolitan Orchestra (SPMO) li hija l-unika orkestra sinfonika indipenti fil-Gżejjer Maltin, li din is-sena qed tfakkar l-għaxar anniversarju mit-twaqqif tagħha. L-SPMO kienet il-protagonista f’diversi kollaborazzjonijiet ma diversi korijiet lokali u barranin, kumpaniji taż-żfin, gruppi Rock u istituzzjonijiet li jappoggjaw nies b’xi forma ta’diżabbiltà.
Il-versatilità artistika reġgħet kienet evidenti fil-premiere internazzjonali riċenti ta’ What the Dickens! – The mysterious Books, xogħol li ttella’ f’Ottubru fiċ-Ċentru tal-Mediterran għall-Konferenzi. Dan wara ġimgħat twal ta’ tħejjijiet u rehearsals intensivi. Din il-produzzjoni li oriġinat minn kompożizzjoni mużikali ta’ Maestro Mark Agius irriżultat f’taħlita ta’ mużika, reċtar u żfin, tat il-ħajja lill-karattri immortali li ħoloq il-kittieb Ingliż Charles Dickens Din il-produzzjoi ingħatat il-ħajja bl-esekuzzjoni eċċezzjonali taħt it-tmexxija mużikali tal-kompożitur innifsu, li intlaqgħu b’entużjażmu.
Il-kompożizzjoni What the Dickens! – The mysterious Books hija mqassma fi 22 moviment li jeħduna minn karattru għall-ieħor u minn ambjent għall-ieħor mingħajr ebda skossi. Fost il-karattri li kienu inkorporati f’din il-produzzjoni kien hemm Oliver Twist –xempju tal-perseveranza, Ebenezer Scrooge li fl-aħħar infeda mill-kompassjoni, u Miss Havisham li rrappreżentat id-desolazzjoni li wieħed isib ruħu fiha meta jitlef kull tama. Kien hemm ukoll karattri oħrajn li ntrabtu ma’ xulxin bin-narrattiva ta’ Inspector Bucket.
Id-dimensjonijiet kollaborattivi ta’ din il-produzzjoni kienu xi ħaġa li ma tistax tħalliha barra. Id-direttut Artistiku kien Louis Noir li wassal għall-kollaborazzjoni tat tliet skejjel taż-żfin – Alison Dance Studio, PaulCurmi Dance Company u Dancing Angels – flimkien ma Chum Gymnastics, il-Pipesand Drums tal-Hamrun Scout Grout u l-Vidal,s Diversity Team – li huma ensemble ta’ 25 persuna b’abbiltajiet differenti.
Din il-produzzjoni ma kenitx tkun possibbli mingħajr l-għajnuna tal-Awtorità Maltija tat-Turiżmu u l-Ministru tal-Inklużjoni u s-Settut tal-Volontarjat. What the Dickens! – The mysterious Books tifforma parti minn programm “Contrasting Concepts” li huwa appoġġjat mill-Kunsill tal-Arti u li għandu l-għan li jippromwovi kull forma kulturali f’pajjiżna. Qabel dan ix-xoghol l-SPMO, sentejn ilu ppreżentat premier ieħor ta’ xogħol orkestrali, xogħol li laħaq livell professjonali għoli ħafna.
Kollettivament dawn il-produzzjonijiet juru kemm l-SPMO qed tikber u timmatura mil-lat artistiku, dak organizzattiv kif ukoll f’dik li hija resiljenza. Dan kollu qed jgħin biex ikabbar is-settur kulturali Malti. Is-suċċess ta’ What the Dickens! – The mysterious Books mhux biss biss pass importanti imma riaffermazzjoni tal-iskop tal-SPMO li tgħaqqad id-dixxiplii artistiċi u tiċċelebra t-talent Malti u l-kultura Maltija ssir aktar vibranti.
