Catherine Birmingham, Awstraljana ta’ oriġini Maltija, qed taffaċċja kontroversja fl-Italja wara li qorti ordnat li wliedha jitneħħew minn taħt il-kura tagħha. Hija u r-raġel tagħha kienu qed jgħixu ħajja barra mis-sistema f’bosk f’Abruzzo, fejn kienu jedukaw lit-tfal id-dar u jgħixu b’riżorsi sostenibbli.
Il-każ ħareġ fil-beraħ wara avvelenament aċċidentali bil-faqqiegħ li wassal lill-awtoritajiet biex jinvestigaw il-kundizzjonijiet tas-saħħa u l-legalità tal-edukazzjoni d-dar.
Qorti tal-minorenni ddeċidiet li kien hemm “ksur serju u ta’ ħsara” dan filwaqt li ordnat it-tneħħija tat-tfal, deċiżjoni li qajmet kontroversja politika, b’Giorgia Meloni u Matteo Salvini jikkritikaw lill-Imħallef.
Il-familja tinsisti li m’għamlet xejn ħażin u li t-tfal kienu qed jikbru b’saħħithom u kuntenti fid-dar fil-bosk. Petizzjoni favur il-familja laħqet aktar minn 145,000 firma, waqt li l-ministeru tal-edukazzjoni aktar tard kkonferma li l-edukazzjoni d-dar tagħhom kienet regolarment kompluta.
