Ħamrun Spartans ikomplu jiktbu l-istorja ta’ klabb Malti fl-Ewropa, b’rebħa storika
Iċ-champions Maltin, Ħamrun Spartans reġgħu għamluha, u f’staġun diġa storiku għalihom meta saru l-ewwel klabb Malti li avvanzaw għall-fażi tal-Kampjonat ta’ waħda mit-tliet kompetizzjonijiet għall-klabbs tal-UEFA, illejla żiedu tragward ieħor storiku, li se jibqa’ imnaqqax fl-istorja tal-futbol Malti.
Il-plejers taħt it-tmexxija ta’ Giovanni Modica, dawwru telfa f’rebħa kontra Lincoln Red Imps ta’ Ġibiltá, biex għall-ewwel darba skorjaw l-ewewl gowls tagħhom f’dan l-istadju u rebħu l-ewwel tliet punti. Huma temmew il-partita minn match day 4 tal-UEFA Conference League b’riżultat finali ta’ 3-1.
