Aktar minn 600,000 resident fir-reġjun ta’ Kyiv sabu ruħhom mingħajr provvista tal-elettriku s-Sibt filgħodu wara attakk mill-qawwiet Russi fuq il-faċilitajiet tal-enerġija . Kelliem mill-Gvern Ukren qal li aktar minn 500,000 persuna li kienu bla provvista huma fill-belt kapitali.
Skont l-awtoritajiet Ukreni, ir-Russja wettqet 36 attakk bil-missila u 40 attakk minn drones, b’diversi binjiet residenzjali jiġu milquta direttament.
Il-Forzi Ukreni qalu li rnexxielhom waqqgħu 558 drone u 19-il missila, iżda l-ħsarat fuq l-infrastruttura kienu estensivi.
Dan l-attakk jasal f’mument fejn ir-Russja qed terġà tiffoka l-forzi tagħha billi tattakka l-faċilitajiet tal-enerġija Ukreni hekk kif qed joqrob ix-xitwa, filwaqt li l-Ukrajna qed twettaq attakki fuq it-tankers Russi bil-għan li tnaqqas id-dħul taż-żejt ta’ Moska.
Sadanittant, delegazzjoni Ukrena tinsab fi triqtha lejn l-Istat Uniti għal taħdidiet ta’ paċi, wara li l-President tal-Ukrajna Vlodymyr Zelensky għażel Kap ġdid għal tahdidiet wara li ta’ qablu kellu jirriżenja minħabba l-korruzzjoni. L-attakk li seħħ bejn il-Ġimgħa filgħaxija u s-Sibt filgħodu reġa’ enfassiza l-vulnerabbiltà tal-Ukrajna meta dieħlin f’xitwa oħra f’dan il-kunflitt li issa ilu għaddej għal aktar minn tliet snin.
