F’analiżi li ħarġet wara l-offerti tal-Black Friday, il-Kamra tal-SMEs innotat kif ħafna ħwienet esperjenzaw andament pożittiv tul il-ġurnata tal-bieraħ, għalkemm kien hemm uħud li raw tnaqqis meta komparat mas-sena ta’ qabel.
Fi stqarrija, iċ-Chamber of SMEs spjegat li l-andament varja skont iz-zoni minn fejn joperaw in-negozji u l-ħwienet – fejn kellek zoni partikolari li esperjenzaw “sfidi”. Anke t-temp jidher li affetwa xi ftit l-andament tal-bejgħ.
L-istess stqarrija qalet ukoll illi ċertu offerti baqgħu jingħataw fil-ġurnata tas-Sibt, u anke tul il-jum tal-Ħadd.
