Mill-1 ta’ Jannar, 2026 – f’ħidma bejn il-Gvern u r-rappreżentanti ta’ min iħaddem, f’konsultazzjoni wkoll mal-Oppożizzjoni – se jkunu qed jiġu introdotti numru ta’ inizjattivi u leave b’rabta mal-miscarriage leave u telf ta’ wlied taħt it-18-il sena.
Dan hekk kif is-Sibt filgħodu wara 7 xhur ta’ konsultazzjoni pubblika – f’att fejn bħala żewġ naħat tal-kamra ngħaqdu f’daqqa għal għan wieħed – mill-1 ta’ Jannar se jkunu qed jingħataw sebat ijiem leave tax-xogħol imħallas mill-Istat.
Bil-leave se jkun qiegħed japplika għall-korriment tat-tqala li jseħħ qabel t-tnejn u għoxrin ġimgħa tqala – bil-leave japplika mhux biss għall-mara iżda anke għall-partner – leave li japplika anke għal koppji kemm jekk mhux miżżewġin u anke tal-istess sess.
Leave li japplika wkoll għas-self-employed kif ukoll għal dawk part time.
Dan filwaqt li dawk in-nisa li sfortunatament iwelldu t-tarbija tagħhom bla ħajja se jkunu qed jingħataw leave tal-maternità b’mod sħiħ
Intant, ġenituri li jitilfu lil uliedhom minuri, li jfisser taħt l-età ta’ tmintax-il sena – se jkunu qed jingħataw sebat ijiem leave ta’ xogħol, bl-leave addizzjonali jitħallas mill-Istat.
