Għall-ħabta tal-10:30 ta’ filgħaxija tal-ġimgħa , il-Pulizija ġiet infurmata li seħħet serqa minn ħanut tal-logħob fi Triq D’Argens, il-Gżira, b’dawk involuti għadhom qed jiġu imfittxija.
Il-Pulizija marret mill-ewwel fuq il-post fejn minn stħarriġ preliminari rriżulta li żewġt irġiel b’wiċċhom mgħammad, daħlu fil-ħanut u talbu l-flus lill-kaxxiera, mara ta’ 35 sena residenti Tas-Sliema.
Intant ħareġ biċ-ċar li l-irġiel ħarbu minn fuq il-post wara li serqu ammont ta’ flus kontanti. Fortunatament ħadd ma weġġa’ f’din is-serqa.
Il-Pulizija għaddejja bit-tfittxija għaż-żewġ persuni, filwaqt li l-investigazzjonijiet għadhom għaddejjin.
