Chelsea ma rnexxielhom jagħlqu d-distakk minn ma’ Arsenal li jinsabu f’ras il-klassifika hekk kif temmew fi draw ta’ gowl kull wieħed f’Stamford Bridge. Arsenal qed jokkuppaw l-ewwel post fil-klassifika b’30 punt mill-ewwel 13-il partita, segwiti minn Manchester City b’25 punt, Chelsea b’24 punt u Aston Villa b’24 punt.
Chelsea rnexxielhom jiksbu punt minkejja li lagħbu parti sostanzjali tal-partita b’għaxra wara li tkeċċa Moises Caicedo fit-38 minuta minħabba foul ikrah li għamel fuq Merino.
Id-difensur Trevor Chalobah skorja l-ewwel gowl tal-partita għall-Blues fit-48 minuta minn suġġeriment ta’ James, biex Mikel Merino jixħet ġewwa għad-draw fid-59 minuta, assist ta’ Saka.
Fl-ewwel partita tal-ġurnata, Manchester United wettqu rimonta tajba fuq Crystal Palace biex komplew tilgħin fil-klassifika. L-iskor finali jkun 2-1, b’Palce ikollhom iċ-ċans jiskorjaw fit-33 minuta permezz ta’ Jean-Philippe Mateta, madankollu l-gowl ma kienx validu wara konsultazzjoni tal-VAR. Pero’, l-Eagles baqgħu jirrsistu u tlettt minuti wara l-istess Mateta kkonverta penalty biex din id-darba skorja gowl validu.
Joshua Zirkzee skorja l-ewwel gowl staġjonali fl-54 minuta, u Masoun Mount skorja l-gowl tar-rebħa fit-53 minuta. Żewġ asssits ta’ Bruno Fernandes.
Aston Villa qed jirnexxielhom idawru l-istaġun ta’ taħt fuq wara l-bidu diżastruż li kellhom meta kisbu rebża ta’ 1-0 fuq Wolves u telgħu momentarjament fir-raba’ post. Kien Boubacar Kamara li skorja fis-67 minuta.
Nottingham Forest soffrew telfa ta’ 2-0 fis-City Ground kontra Brighton.
Gowl ta’ De Cuyper fl-aħħar sekondi tal-ewwel taqsima, u gowl ta’ Tzimas fl-aħħar minuti tat-tieni taqsima jagħtu t-tlett punti lis-Seagulls.
Liverpool jirritornaw għar-rebħa permezz ta’ reb’a ta’ 2-0 fuq West Ham United.
Alexadner Isak jiskorja wara siegħa logħpb, u West Ham jispiċċaw jilagħbu b’għaxra wara li Lucas Paqueta jintwera żewġ karti sofor f’inqas minn 60 sekonda fl-84 minuta.
Cody Gakpo jikkonferma r-rebħa bil-gowl tiegħu fit-92 minnuta.
