Mill-inqas erba’ persuni nqatlu u għaxra oħra indarbu fi sparatura li seħħet f’festin tat-tfal fi Stockton, fit-tramuntana ta’ Kalifornja.
Skont l-Uffiċċju tas-Sheriff tal-Kontea ta’ San Joaquin, l-attakk seħħ is-Sibt filgħaxija, f’ristorant lokali ftit qabel is-06:00, ħin lokali. Il-pulizija kkonfermaw li fost il-vittmi kien kemm adulti kif ukoll it-tfal. Il-kundizzjoni ta’ dawk li ġew feruti għadha mhix magħrufa filwaqt li s-suspettat għadu ma nqabadtx.
L-awtoritajiet lokali qed jgħidu li l-evidenza li għandhom s’issa tissuġġerixxi li l-isparatura setgħet kienet “mmirata”, għalkemm l-investigaturi għadhom qed jeżaminaw il-possibbiltajiet kollha.
Il-kelliem tal-Uffiċċju tas-Sheriff Heather Brent iddeskriviet l-inċident bħala “mhux mistenni” u ħeġġet lil kull min għandu informazzjoni jew filmati sabiex jagħmel kuntatt magħhom.
Is-sindku ta’ Stockton, Christina Fugazi, ikkundannat l-attakk bħala “inaċċettabbli”, u qalet li dan kien jum li fih il-familji kellhom jiċċelebraw flimkien u mhux jistennew fil-kurituri tal-isptar.
L-investigazzjoni b’rabta mal-każ għadha għaddejja.
