Fil-ġurnata tal-Ħadd saret l-attività nazzjonali ‘Mixja mal-President’, bil-parteċipanti jimxu mill-Palazz ta’ Sant’Anton sal-Palazz tal-President, fi Pjazza San Ġorġ, fil-Belt Valletta.
Tul din il-mixja annwali ingħaqdu eluf ta’ persuni flimkien ma bosta persuni distinti oħra; fosthom il-Kap tal-Partit Nazzjonalista Alex Borg flimkien ma Sarah Bajada, il-Prim Ministru u s-Sinjura Abela, kif ukoll bosta membri Parlamentari miż-żewġ naħat tal-Kamra.
Mal-wasla fi pjazza San Ġorġ saru għadd ta’ diskorsi minn persuni distinti, fosthom mill-President ta’ Malta Myriam Spiteri Debono fejn qalet li l-ġenerożità tal-poplu Malti u Għawdxi se tibqa’ bżonjuża hekk kif il-mard fil-familji jġib ħafna problemi; problemi finanzjarji, psikoloġiċi, u oħrajn.
Kien hawnhekk fejn appellat biex l-għaqda li ntweriet illum tibqa’ tintwera ma’ kull jum li jgħaddi.
Intant il-Kap tal-Partit Nazzjonalista flimkien ma’ Sarah Bajada u anke iċ-ċkejken Sam. Alex Borg qal kif din l-attività turi kemm il-poplu Malti u Għawdxi għandhom qalbhom tajba quddiem dawk l-iktar fil-bżonn.
Apparti min hekk Alex Borg qal li l-poplu jeħtieġ ikompli jingħaqad sabiex il-benefiċċji u l-għajnuniet jaslu għand kulħadd.
Indirizza wkoll dawk preżenti l-Prim Ministru, Robert Abela u anke l-Arċ Isqof ta’ Malta Charles Scicluna.
Mal-wasla fil-Belt, fi Pjazza San Ġorġ kien hemm varjetà ta’ attivitajiet għall-familja kollha, b’logħob għat-tfal, ikel u xorb kif ukoll divertiment u mużika.
