L-awtoritajiet fl-Indoneżja kkonfermaw li l-vittmi mill-aħħar għargħar u valangi tal-art żdiedu għal talanqas 450 fost sitwazzjoni ta’ emerġenza fil-gżira ta’ Sumatra.
Dan fost l-isforzi għall-evakwazzjoni, bl-awtoritajiet għall-emerġenzi ma jistgħux jużaw numru ta’ toroq prinċipali — b’ħafna mill-pajjiż jinsab nieqes mill-provvista tad-dawl.
L-inċidenza tal-monsoons fir-reġjun kompliet tiggrava minħabba l-maltemp tropikali li, fost oħrajn, ikkaġuna l-akbar għargħar għal snin madwar ix-Xlokk tal-Asja.
Ir-rapporti referew, intant, għall-mijiet ta’ mejtin anki fil-Malasja u t-Tajlandja, bl-elementi jaffettwaw lil miljuni oħrajn fid-diversi bnadi ta’ dan ir-reġjun.
Fl-istess ħin, kienu rappurtati talanqas 160 mewta fis-Sri Lanka li wkoll intlaqtet minn maltemp estrem, bir-riżultat ta’ għagħar u gliegel tat-tajn li straxxnaw numru ta’ villaġġi.
