Lecce kisbu rebħa minima fuq Torino bl-iskor finali jkun 2-1. L-ewwel gowl ta’ Lecce jasal fl-20 minuta permezz ta’ Lassana Coulibaly, segwit minn gowl ta’ Lameck Banda fit-22 minuta.
Torino rnexxielhom inaqqsu l-iskor fis-57 minuta permezz ta’ Che Adams, bit-Toro jkollhom ċans li jagħmlu l-iskor indaqs fid-90 minuta pero l-eks midfielder ta’ Inter Kristjan Asllani falla l-penalty mogħti lilu hekk kif Falconi laqgħa tajjeb.
Inter kisbu rebħa importanti fuq Pisa bl-iskor finali jkun 2-0.
Kienu żewġ gowls ta’ Lautaro Martinez li waslu fid-69 u fit-83 minuta li wasslu għar-rebħa Nerazzura.
L-istess skor bejn Atalanta u Fiorentina, b’La Dea jkunu dawk li jieħdu t-tlett punti. It-tieni rebħa nfila għal Atalanta fil-kompetizzjonijiet kollha.
Odilion Kossounoue skorja fl-41 minuta, b’Ademola Lookman jirddopja l-iskor fil-51 minuta.
Napoli kisbu rebħa kruċjali meta għelbu lil Roma 1-0 biex telgħu fl-ewwel post flimkien ma’ AC Milan, li jinsabu teknikament l-ewwel minħabba d-differenza fil-gowls, hekk kif iż-żewġ timijiet għandhom total ta’ 28 punt wara l-ewwel 13-il partita.
David Neres skorja l-gowl tar-rebħa mis-suġġerimentt a’ Rasmus Hojlund fis-36 minuta.
Roma u Inter isegwu mill-viċin lil Milan u Napoli hekk kif iż-żewġ timijiet kisbu 27 punt s’issa.
Illum tintlagħab l-aħħar partita tat-tlettax il-ġurnata, dik bejn Bologna u Cremonese.
