Kolumbjan ta’ 31 sena ġie arrestat wara investigazzjonijiet fuq suspett ta’ traffikar tad-droga.
Huwa ġie arrestat il-Ġimgħa, għal xi d-disgħa ta’ filgħaxija, f’Sa Maison.Dan wara li investigazzjoni wasslet għal tfittxija fuq ir-raġel u nstab fil-pusses ta’ pilloli suspettati ecstasy, kif ukoll aktar minn €1,000 fi flus kontanti. Saret ukoll tfittxija fir-residenza fl-Imsida, fejn minbarra li nstabu aktar minn €2,000 oħra fi flus kontanti, il-Pulizija elevat sustanzi oħra suspettati kannabis, katamina, kokaina u MDMA, li l-valur ilaħħaq madwar €21,000. Il-Kolumbjan tressaq il-Qorti l-Ħadd għall-ħabta tal-11:30 ta’ filgħodu akkuzat b’allegat traffikar tad-droga, quddiem il-Maġistrat Dr Yana Micallef Stafrace.
