L-eks plejer ta’ Ħamrun Spartans, Steve Borg jirbaħ id-dwell tiegħu mal-plejer Ħamruniż Mouad El Fanis (Ritratt: Joseph Galea)
VALLETTA……………………………….2
ĦAMRUN SPARTANS……………0
Valletta: A.dos Santos, S.Borg, A.Zammit (K.Ewurum 82′), B.Paiber, J.Azzopardi, Y.Yankam, S.Brewer JR, N.Anthony Micallef, Y.Messias, S.Radic (J.Mendoza 82′), E.Pinto Gomes (T.Aldama 64′)
Ħamrun Spartans: H.Bonello, N.Micallef (R.Camenzuli 58′), S.Xerri, S.Attard, M.Garcia, H.Mbong, V.Polito, S.Smajlagic (N.Koffi 46′), D.Simkus (A.Coric 46′), M.El Fanis, M.Hadzi (R.Compri 63′)
Referee: Fyodor Zammit
Imwissija: N.Anthony Micallef 70′, S.Radic 90′ (V), S.Attard 71′ (Ħ)
Tkeċċa: V.Polito 90′
Skorjaw: Y.Messias 19′ K.Ewurum 88′ (V)
Valletta saru t-tielet tim fis-semi finali tal-Jubilee Cup hekk kif għelbu lil Ħamrun Spartans 2-0 b’gowl f’kull taqsima. Prestazzjoni mill-aqwa mit-tim Belti li rrisponda tajjeb għat-telfa li soffrew kontra l-istess Ħamrun Spartans ftit ta’ ġimgħat ilu. Minn naħa l=oħra, l-Ispartans ma rnexxielhomx jikkapitilizzaw fuq ir-rebaħ storika li kisbu fil-UEFA Europa Conference League kontra Lincoln Red Imps il-Ħamis li għadda.
Il-Beltin perikolużi sa mill-ewwel mumenti tal-partita, hekk kif Yuri Messias jirċievi l-ballun fuq in-naħa tax-xellug u jikkonkludi b’xutt mdawar li jgħaddi għoli minn mal-lasti ta’ Bonello.
Adilson dos Santos iwettaq żewġ saves tajbin fuq tentattiv doppju ta’ Shaisen Attard fis-17-il minuta.
Ritratt: Joseph Galea
Valletta fil-vantaġġ żewġ minuti wara hekk kif din id-darba Yuri Messias jittanta xortih mid-distanza u jsib lill-goalkeeper Henry Bonello barra minn postu. Il-Brażiljan jagħmel finta tajba biex jaqbeż lil Bonello li ħareġ ferm barra minn postu, u jikkonkludi bil-kalma fix-xibka.
Fl-ewwel taqsima Ħamrun Spartans jingħataw penalty mir-referee Zammit minn handsball li sar fil-kaxxa avversarji, madankollu fuq talba’ tal-kowċ Thane Micallef saret konsultazzjoni mal-FVS u l-penalty eventwalment ma jingħatax favur Ħamrun Spartans, biex b’hekk l-ewwel taqsima tintemm 1-0 għall-Beltin.
Valletta jirdoppjaw l-iskor pjuttost tard fit-tieni taqsima hekk kif 6 minuti wara li daħal is-sostitut żgħażugħ, u prodott tal-akkademija ta’ Valletta, Keyon Ewurum, huwa xeħet ġewwa minn ftit metri ‘l bogħod.
Ħamrun ikomplu jkunu żvinturati matul il-partita hekk kif fl-aħħar sekondi tal-partita Vincenzo Polito ntwera t-tieni karta ħamra f’żewġ partiti wara l-foul li għamel fuq Jackson Mendoza. Il-kowċ Giacomo Modica jitlob għar-‘review’ tal-FVS, madankollu r-referee Fyodor Zammit iżomm mad-deċiżjoni oriġinali tiegħu li jagħti l-karta ħamra diretta lid-difensur Taljan.
Shaisen Attard ta’ Ħamrun Spartans imwaqqaf mill-goalkeeper Belti dos Santos (Ritratt: Joseph Galea)
