Il-pazjenti li kienu dijanjostikati bid-dijabete żdiedu s-sena li għaddiet fuq is-sena ta’ qabel. Matul l-2023, kien hemm 3,159 pazjent ġdid li ġie dijanjostikat bid-dijabete. Fl-2024 kien hemm 3,518 pazjent ġdid ieħor.
Informazzjoni dwar il-pazjenti ġodda li kienu dijanjostikati bid-dijabete ngħatat fil-Parlament minn Etienne Abela, il-Ministru għas-Saħħa u l-Anzjanità Attiva; meta kien qed iwieġeb mistoqsija tad-Deputat Nazzjonalista Adrian Delia.
