Serena Williams ippreżentat id-dokumenti meħtieġa biex terġa’ lura għat-tennis, iżda imbagħad qalet li hi “mhix se terġa’ lura” għal dan l-isport.
Il-leġġenda Amerikana, li rebħet 23 titlu Grand Slam fis-singles, irtirat wara l-Open tal-Istati Uniti tal-2022.
L-Aġenzija Internazzjonali għall-Integrità fit-Tennis ikkonfermat mal-media Brittanika, li Williams, li għandha 44 sena, reġgħet tniżżlet fil-lista tal-plejers irreġistrati għall-programm tat-testijiet tad-droga.
Ismha jidher ukoll fl-aħħar dokument ippubblikat mill-organizzazzjoni fis-6 ta’ Ottubru li għadda. Ftit sigħat wara li ħarġet l-aħbar li kienet reġgħet daħlet fil-programm tat-testijiet tad-droga, Williams kitbet fuq il-midja soċjali: “M’iniex se nerġa’ lura. Din il-ġlieda selvaġġa hija tal-ġenn.”
