Skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, l-Awtorità għas-Sigurtà tal-Ikel, tixtieq tinforma lill-pubbliku, li wara nformazzjoni li rċeviet permezz tas-Sistema Rapida tal-Ikel u l-Għalf, l-Pistaċċi td-ditta Daily Fresh m’għandux jiġi kkunsmat minħabba livelli għoljin ta’ Aflatossini.
L-Aflatossini huma prodotti primarjament minn żewġ speċi tal-fungu ‘Aspergillus’ li jinsabu speċjalment f’żoni bi klimi sħan u umdi. Dawn jinstabu fl-ikel bħala riżultat ta’ kontaminazzjoni mill-fungi, kemm qabel kif ukoll wara l-ħsad. It-temperatura, l-umdita`, il-ħamrija u l-kundizzjonijiet tal-ħażna kollha jaffettwaw ir-rata u l-grad ta’ kontaminazzjoni. L-aflatossini jistgħu jikkawżaw varjetà ta’ effetti negattivi fuq is-saħħa tal-bniedem.
| Isem tal-prodott fuq it-tikketta: | Pistaċċi |
| Piż: | 300g; 500g |
| Data tad-durabbilità: | 12.10.2027 |
| Ditta: | Daily Fresh |
| Ippakjat minn: | Daily Fresh, Gozo |
| Oriġini: | Iran |
Il-konsumatur m’għandux jikkonsma dan il-prodott u huwa mitlub li jew jarmi l-prodott indikat jew jirritornah lura minn fejn xtrah.
Għal aktar informazzjoni, il-pubbliku jista’ jċempel lill-Awtorità għas-Sigurtà tal-Ikel fuq in-numru tat-telefown +356 26025211 mis-7:30 a.m. sas-2:30 p.m. jew jibgħat email fuq info.fssa@gov.mt.
