B’reazzjoni għall-Indiċi tal-Ugwaljanza bejn is-Sessi tal-2025 ippubblikat mill-Istitut Ewropew għall-Ugwaljanza bejn is-Sessi, il-Malta Women’s Lobby fakkret li minkejja l-progress, in-nisa f’Malta għadhom qed iħallsu prezz għoli, għax għadhom jiġu esklużi mid-deċiżjoni u fil-benessri ġenerali tagħhom.
Malta kisbet 58.9 minn 100 u tinsab fil-16-il post fl-UE. L-oqsma l-iktar dgħajfa huma d-differenza fil-pagi, il-ħin liberu tagħhom u l-poter. Instab li n-nisa għadhom jaqilgħu inqas mill-irġiel filwaqt li jagħmlu l-maġġoranza tax-xogħol tad-dar u huma prinċipalment nieqsa mill-postijiet fejn isir id-deċiżjonijiet dwar il-flus u l-poter.
L-inugwaljanza ekonomika tibqa’ problema serja – nisa jaqilgħu żewġ terzi tal-paga tal-partner tagħhom, u f’Malta hemm l-ikbar differenza fil-pensjonijiet fl-UE, b’irġiel jaqilgħu madwar 40% aktar mill-mara.
Il-vjolenza kontra n-nisa tkomplu tkun sfida serja, b’kwart tan-nisa jesperjenzaw vjolenza fiżika jew sesswali.
Il-Malta Women’s Lobby qed tħeġġeġ lill-gvern biex joħloq strateġija li tnaqqas id-differenzi fil-pagi u fil-pensjonijiet, tipprovdi leave lil familji u tqajjem kuxjenza dwar stereotipi sesswali.
