Erba’ persuni ġew arrestati wara li dawn tefgħu l-krema u l-apple crumble lejn vetrina li fiha kien hemm l-Kuruna imperjali tal-Istat fit-Torri ta’ Londra.
Il-Pulizija Metropolitana kkonfermat li erba’ persuni ġew arrestati fuq suspett ta’ ħsara kriminali. Il-Jewel House ingħalqet għall-viżitaturi bl-uffiċjali jwettqu l-investigazzjoni tagħhom.
Il-grupp Take Back Power, li jsejjaħ lilu nnifsu bħala moviment ġdid ta’ reżistenza ċivili mhux vjolenti, qal li organizza dan ir-reat. Il-grupp qal li ried li l-gvern tar-Renju Unit jistabbilixxi assemblea permanenti taċ-ċittadini, deskritta bħala “house of the people” bl-għan li Londra terġa’ tirriforma ruħa.
