Raġel ta’ 34 sena, Aboubaker Diakite mill-Mali – ingħata ġie kundannat seba’ snin ħabs wara li ammetta li ħa sehem f’att ta’ ħruq u ħsara volontarja f’inċident li seħħ fl-2022 fiċ-Ċentru ta’ Detenzjoni ta’ Ħal Far, li ħalla aktar minn 20 persuna li kienu fil-binja jbatu minn problemi tan-nifs respiratorju tad-duħħan.
Diakite wieġeb ħati għall-akkużi wara li qabbad sodda fi Blokk D nhar il-5 ta’ Mejju 2022, billi uża materjal fjammabbli. Il-ħruq ħoloq sitwazzjoni ta’ periklu kbir minħabba li l-bibien kollha tal-binja kienu msakkra biex ma jaħarbux id-detenuti. Aktar minn 20 persuna – fosthom Diakite nnifsu – kellhom jittieħdu Mater Dei għall-kura.
Ftit tal-ħin qabel, l-Uffiċjal tas-Servizzi ta’ Detenzjoni Maria Dolores Mallia semgħet lil Diakite jgħajjat minn tieqa qabel ma tefa’ mopp barra u beda jhedded bi kliem – “inpattijilkom”. Dawk il-mumenti wasslu biex ftit wara, Diakite qabbad sodda fil-kamra tal-banju filwaqt li kien hemm nies oħra fil-binja.
Id-detenur l-ieħor Ali Mohamed Ali ra l-att u intervjena, irnexxielu jaħtaf il-lajter minn għand Diakite biex iwaqqfu milli jqabbad aktar sodod, u Diakite rreaġixxa billi kisser diversi oġġetti fil-kamra tal-banju, fosthom pajp tal-ilma, u kkawża aktar ħsara.
L-espert maħtur mill-qorti David Borg Saydon qal li l-konsegwenzi setgħu kienu ferm aktar gravi, waqt li l-espert ieħor, l-Avukat Lennox Vella, ivvaluta l-ħsara għal €5,370. Ftehim dwar il-piena taħt l-Artikolu 453A tal-Kodiċi Kriminali, u Diakite kkonferma l-ammissjoni tiegħu għall-akkużi wara twissija solenni dwar il-konsegwenzi legali.
Il-Qorti, preseduta mill-Imħallef Consuelo Scerri Herrera, laqgħet il-ftehim u kkundannat lil Diakite għal seba’ snin ħabs, b’dak li qatta’ fil-kustodja preventiva jitnaqqas mis-sentenza. Hu ġie wkoll ordnat iħallas l-ispejjeż tal-esperti tal-qorti li jammontaw għal €1,857.19 fi żmien sena, inkella dawn jiġu kkonvertiti f’ħabs addizzjonali. Il-qorti ordnat ukoll il-konfiska ta’ kwalunkwe oġġett li ntuża fil-kummissjoni tal-kriminalità.
