Anzjana ta’ 75 sena residenti Birkirkara weġġgħet gravi wara li ntlaqtet minn Mazda Demio li kienet qed tinstaq minn raġel ta’ 27 sena residenti San Ġwann.
L-inċident seħħ il-Ħamis, fl-10 am fi Triq Fleur-De-Lys, Birkirkara.
Il-mara ngħatat l-għajnuna minn tim mediku, ittieħdet l-isptar b’ambulanza u ġiet iċċertifikata li sofriet ġrieħi gravi.
L-investigazzjonijiet tal-Pulizija b’rabta mal-każ għadhom għaddejjin.
