Il-qawwiet tal-ajru tar-Russja jidhru li se jirrankaw l-attakki fuq l-ibliet tal-Ukreni matul il-ġranet ta’ qabel il-Milied u bħala parti minn sensiela ta’ azzjonijiet sistematiċi ….Dan anki waqt li għaddejjin l-isforzi diplomatiċi għat-tmiem tal-gwerra li għandha tagħlaq erba’ snin fi Frar li ġej.
Fl-aħħar sigħat, sfaw feruti talanqas 15 fir-reġjun ta’ Zaporizhzhia, lejn in-Nofsinar tal-Ukrajna. Il-midruba jinkludu ħaddiema mal-iskwadri għall-emerġenza flimkien ma’ numru ta’ tfal.
Dan fost konferma li l-missili u d-drones ikkaġunaw il-ħsarat f’zona residenzjali wara li laqtu l-bini taċ-ċivili, stabbiliment ta’ supermarket, ħwienet tal-merċa u vetturi tar-residenti.
Jidher ukoll li r-Russi qed jużaw tattika tal-gwerra bażata fuq l-attakki konsekuttivi fuq post partikulari, minuti biss ‘il bogħod minn xulxin…Għaldaqstant, l-iskwadri għall-emerġenzi spiċċaw ukoll mira diretta għall-aggressjoni.
Il-qawwiet Russi anki wettqu attakk separat afuq ir-reġjun ta’ Sumy li jinsab fl-artijiet Ukreni tal-Grigal.
L-Uffiċjali lokali qalu li r-Russi miraw lejn il-bini ‘high rise’ għar-residenti fid-distrett ta’ Zarechny… Attakk li, b’xorti taqjba, ma ħalla l-ebda vittmi.
