“Jien mimli enerġija, il-poplu qed jifhem, u qed jagħti kontribut akbar milli kien qed jagħti fil-passat”.
Kien dan li ddikjara l-Kap tal-Partit Nazzjonalista f’intervista li kellu ma’ Sarah waqt il-maratona tal-ġbir ta’ fondi tal-Partit Nazzjonalista.
Huma, spjegaw kif dawn il-100 jum kienu ġranet impenjattivi, iżda kienu jiem li mlewhom b’sodisfazzjon kbir anke personalment. Fejn anke spjegaw, li dejjem jagħmlu mezz illi jżommu l-ħin bħala familja.
Dan hekk kif il-familja tagħhom, hija l-pedament li jgħin lil Alex Borg sabiex ikun jista’ jkompli l-istorja li beda.
Filfatt, huma spjegaw li anke t-tradizzjonijiet tal-familja tagħhom żammew, fosthom anke l-mumenti li huma jaqsmu maċ-ċkejken Sam.
Madanakollu, Alex Borg u Sarah rringrazzjaw lill-poplu li dejjem kien ta’ sostenn għalihom, kemm personalment u anke professjonalment. Fejn wegħdu li se jkunu qed ikomplu l-ħidma tagħhom, b’risq il-Partit Nazzjonalista u l-pajjiż.
