Wirja b’xeni mill-isbaħ tan-Natività qed tittella’ f’Jerez de la Frontera, fi Spanja, mill-għaqda ‘Għimmanu-El’, Għaqda Presepisti Għajnsielem.
F’waħda mid-dijorama maħluq minn Rafael Martínez Gómez b’figuri maħduma minn Hubert Saliba, u li hi ppreżetata f’din il-wirja, hemm il-Familja Mqaddsa li tidher tieħu mistrieħ waqt il-ħarba tagħhom lejn l-Eġittu.
L-ambjent jinsab fost fdalijiet kbar, ġeroglifi u kolonni tal-qedem li jfakkru l-kobor tad-dinja faraonika. Marija toqgħod bil-kwiet bit-tarbija f’dirgħajha filwaqt li Ġużeppi, għajjien, jistrieħ mal-ħitan imnaqqxin li jdawruhom.
Dgħajsa żgħira tinsab ħdejn ix-xatt u tfakkar fil-vjaġġ twil li wassalhom sa din il-waqfa ta’ serħan. Ix-xena taqbad kemm l-isfidi kif ukoll il-paċi ta’ din il-ħarba, u turi mument rari fejn il-kwiet jolqot triqhom diffiċli.
Dijorami oħrajn jinsabu f’din il-wirja fi Spanja.
