Mietet l-attriċi u l-kantanta Franċiża Brigitte Bardot fl-età ta’ 91 sena.
Bardot twieldet fl-1934 f’Pariġi u meta kibret bdiet tistudja l-ballet. Fl-istess żmien, hi bdiet taħdem bħala mudella u minħabba f’hekk bdiet tiġi offruta opportunitajiet biex tieħu sehem fil-films.
Fis-sittinijiet, hi ħadet sehem f’għadd ta’ films Franċiżi li kienu popolari, inkluż ‘The Truth’ U ‘Very Private Affair’.
Madankollu, fis-sebgħinijiet, hi ddeċidiet li tirtira mill-films u r-reċtar sabiex issir aktar attiva politikament, speċjalment fil-qasam tas-salvagwardja tal-annimali.
