Raġel ta’ 65 sena, li jaħdem bħala xufier ta’ taxi ġie kkundannat sena ħabs sospiżi għal erba’ snin wara li nstab ħati li, seba’ snin ilu, ikkaġuna l-mewt ta’ Rumena ta’ 19-il sena f’inċident tat-traffiku f’San Ġiljan.
Dan l-inċident seħħ fit-12 ta’ Lulju 2017, għall-ħabta tal-4.30 ta’ filgħodu, fi Triq Mikiel Anton Vassalli, meta Luciano Tabone kien qed isuq b’mod eċċessiv u traskurat u laqat lil Loredana Nemes, li kienet tgħix l-Italja.
Ix-xhieda fil-Qorti kkonfermaw li t-tfajla nstabet f’nofs it-triq wara li ntlaqtet mit-taxi, filwaqt li esperti kkonkludew li l-vettura kellha brejkijiet difettużi u kienet qed tinstaq b’veloċità eċċessiva.
L-eżami mediku kkonferma li l-vittma sofriet ġrieħi gravi li wasslu għall-mewt.
Il-Qorti rrikonoxxiet ukoll li l-vittma uriet ċertu traskuraġni, u li kellha livell għoli ta’ alkoħol fid-demm, fatt li seta’ kkontribwixxa għal dan l-inċident.
Meta l-Qorti qieset ċirkostanzi kollha, il-Maġistrat Astrid May Grima sabet lil Tabone ħati u kkandanntu 24 xahar ħabs sospiżi għal sena, u ordnatlu jħallas aktar minn €3,000 fi spejjeż tal-Qorti.
