Skont il-Kap 649 tal-Att dwar is-Sigurtà tal-Ikel, u f’konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku li wara analiżi li saret bħala parti mill-kontrolli uffiċjali li jsiru mill-istess Awtorità, l-imsemmi prodott m’għandux jiġi kkunsmat minħabba li jista’ jkun fihom livelli għoljin ta’ aċidu idroċijaniku ( Hydrocyanic acid).
Aċidu idroċijaniku huwa inkluż b ’mod espliċitu fil-lista ta’ kontaminanti fir-Regolament dwar il-kontaminanti tal-ikel (UE) Nru 2023/915) fejn l-livell massimu tal-aċidu idroċijaniku fl-oġġetti tal-ikel huwa stabbilit sabiex b’hekk tiġi ssalvagwardjata s-saħħa tal-konsumatur.
| Deskrizzjoni tal- prodott: | Linseed Brown |
| Ippakjat minn: | Zammit and Cachia (Marketing) Ltd |
| Użin: | 1Kg |
| Lot No.: | FLX/VA/2024/061-3 |
| Data tad-Durabbilità: | 03/2027 |
Il-konsumatur m’għandux jikkonsma dan il-prodott u huwa mitlub jew jarmi l-prodott indikat jew jirritornah lura minn fejn xtrah.
Għal aktar informazzjoni, il-pubbliku jista’ jċempel lill-Awtorità għas-Sigurtà tal-Ikel fuq in-numru tat-telefown +356 26025211 mis-7:30 a.m. sas-2:30 p.m. jew jibgħat email fuq info.fssa@gov.mt.
