Fl-aħħar partiti tal-League Phase tal-UEFA Champions League saru magħrufa l-ewwel tmien timijiet li għaddew direttament għar-round tal-aħħar sittax mingħajr ma jridu jilgħabu l-playoff. It-timijiet li temmew bejn id-9 u l-24 post, issa jridu jilgħabu partita ta’ playoff fuq żewġ legs, biex ikunu determinati it-tmien timijiet l-oħra li se jilgħabu fil-fażi tal-aħħar sittax f’Marzu. Arsenal żammew ir-rekord eċċezzjonali tagħhom b’rebħa ta’ 3-2 fuq Kairat Almaty, b’Victor Gyokeres jiftaħ l-iskor, Kai Havertz u Gabriel Martinelli jiskorjaw ukoll, u penalty skorjat minn Jorginho u gowl minn Richardinho għat-tim mill-Kazhakstan.
Kontra dak mistenni Napoli sfaw eliminati wara telfa ta’ 3-2 kontra Chelsea. Chelsea fil-vantaġġ minn penalty ta’ Enzo Fernandez, b’Antonio Vergara u Rasmus Hojlund idawwru r-riżultat 2-1 għal Napoli. Iżda Joao Pedro kiseb il-gowl tad-draw u tar-rebħa għal Chelsea, li spiċċaw mal-ewwel tmienja.
Rebħa komda għal Liverpool f’Anfield fuq Qarabag bl-iskor ta’ 6-0. Għal Liverpool skorjaw doppjetta minn Alexis Mac Allister, Florian Wirtz, Mohammed Salah minn freekick u Hugo Ekitike u Federico Chiesa b’Liverpool ukoll jikkwalifikaw mal-ewwel tmienja.
Mal-ewwel tmienja kkwalifikaw ukoll Bayern Munich, Manchester City, Tottenham, Barcelona u Real Madrid.
Riżultati: Monaco v Juventus 0-0, Ajax v Olympiacos 1-2, Arsenal v Kairat A. 3-2, A.Club v Sporting 2-3, A.Madrid v Bodoe 1-2, Barcelona v Copenhagen 4-1, B.Leverkusen v Villarreal 3-0, Benfica v R.Madrid 3-2, B.Dortmund v Inter 0-2, C.Brugge v Marseille 3-0, E.Frankfurt v Tottenham 0-2, Liverpool v Qarabag 6-0, Man City v Galatasaray 2-0, Napoli v Chelsea 2-3, PSV v B.Munich 1-2, Pafos v S.Prague 4-1, PSG v Newcastle 1-1, U.St.Gilloise v Atalanta 1-0
