Numru ta’ persuni kellhom jittieħdu l-Isptar Mater Dei b’urġenza wara li kien hemm ħabta bejn karozza u van fi Triq Żejfa l-Mosta.
L-inċident seħħ aktar kmieni llum, u fil-post issejjaħ tim mediku tal-ambulanza, Uffiċjali tal-Pulizija u ta’ Transport Malta li kienu kostretti jagħlqu t-triq.
Kelliema għall-Pulizija kkonfermaw li kienu l-passiġieri tal-karozza li kellhom jittieħdu l-Isptar Mater Dei b’urġenza.
S’issa għadha mhux magħrufa l-kundizzjoni tagħhom.
Iktar dettalji fil-ħin li ġej.
