Il-parlament se jibda dalwaqt dibattitu dwar il-mozzjoni tal-gvern dwar il-ħatra tal-Prim Imħallef. Dan id-dibattitu se jsir wara li seħħew żviluppi iktar kmieni llum bl-intervent tal-President ta’ Malta Myriam Spiteri Debono.
Fil-fatt ftit ilu, wara l-mistoqsijiet paramentari il-Whip tal-Gvern Naomi Cachia ressqet il-mozzjoni biex il-parlament jissospendi l-aġenda li għandu quddiemu u jiddiskuti mozzjoni tal-gvern biex l-Imħallef Consuelo Scerri Herrera tkun maħtura Prim Imħallef.
Din il-mozzjoni kienet diġà tressqet fis-seduta tat-Tlieta iżda l-Ispeaker Anġlu Farrugia kien iddikjara f’ruling li ma setgħetx tkun diskussa għax ma kinitx skont il-prċedura parlametnari litesiġi li mozzjoni trid tliet ijiem biex kun diskussa fil-parlament. Fis-seduta tat-Tlieta, qabel ir-ruling tal-Ispeaker, il-Whip tal-Oppożizzjoni Robert Cutajar kien iddikjara li l-Oppożizzjoni tinsisti li l-parlament jimxi skont il-regoli tal-Kamra.
Il-Kap tal-Oppożizzjoni Alex Borg llejla fil-parlament qal li d-deċiżjoni tal-Oppożizzjoni fis-seduta tat-Tlieta kienet skont ir-regoli tal-parlament iżda wara li kien tkellem mal-President, il-mozzjoni għandha tkun diskussa u jittieħed vot dwarha.
