Għada jingħata bidu uffiċjalment għal 25 Edizzjoni tal-Olimpijadi tax-Xitwa Milano – Cortina li huwa l-akbar avveniment internazzjonali multi-sportiv għal din is-sena li jintemm fit-22 ta’ Frar u se jsir f’siti madwar il-Lombardija u l-Grigal tal-Italja .
Organizzazzjoni konġunta minn Milan u Cortina d’Ampezzo li ngħataw l- Olimpjadi tax-Xitwa tal-2026 fil- 134 Sessjoni tal-IOC f’Ġunju 2019, u għelbet offerta konġunta oħra magħmula minn Stokkolma u Åre, fl-Iżvezja.
Milano Cortina 2026 se jkunu l-ewwel Logħob Olimpiku tax-Xitwa li se jiġu organizzati uffiċjalment minn żewġ bliet fejn Milan se tospita primarjament l-avvenimenti tas-silġ. L-avvenimenti l-oħra se jiġu ospitati f’infrastruttura madwar Cortina u l-widien ta’ Valtellina u Fiemme. Dawn se jimmarkaw it-tielet Olimpjadi tax-Xitwa, u r-raba’ Olimpjadi b’kollox, li se jiġu ospitati mill-Italja; Cortina d’Ampezzo qabel kienet organizzat l- Olimpjadi tax-Xitwa tal-1956 u Turin fl-2006 filwaqt li Ruma organizzat dawk tas-sajf fl-1960
Il-Logħob tal-2026 se jkun fih id-debutt ta’ skiing fil-muntanji bħala avveniment Olimpiku tax-Xitwa u se jkun l-ewwel Logħob Olimpiku taħt il-presidenza ta’ Kirsty Coventry bħala President tal-Kumitat Olimpiku Internazzjonali.
Apparti ċ-Ċerimonja tal-Ftuħ fi Stadio Giuseppe Meazza f’Milan fl-istess waqt f’Cortina se ssir Ċerimonja tal-Ftuħ oħra fejn Jenny Axisa Eriksen se ġġorr il-bandiera Maltija waqt iċ-Ċerimonja tal-Ftuħ fil-Predazzo Cluster fl-Istadium tal-iSki Jumping, fejn huwa ibbażat Tim Malta. Axisa Eriksen se tikkompeti fil-cross country skiing.
