Numru ta’ familji f’Ħal Qormi kellhom jiġu evakwati minħabba l-biża’ li parti minn krejn kienet se ċċedi.
Il-każ seħħ dalgħodu wara rapporti minn nies li jgħixu fiz-zona.
Membru tal-Protezzjoni Ċivili telgħu mal-istess tower crane biex jipprovaw ineħħu l-periklu.
Net News jinsab infurmat li l-kabina li tinsab fin-naħa ta’ fuq, bdiet ixxaqleb lejn il-ġenb – possibbilment kaġun tar-riħ qawwi li ħakem fl-aħħar sigħat.
Il-krejn kien qed jagħmel xogħol ta’ kostruzzjoni fi proprjetà fi Triq l-Imdina, Ħal Qormi.
Intant, fil-post waslu wkoll Pulizija u ambulanzi sabiex jassistu.
Aktar dettalji hekk kif jaslulna.
Ritratti: Martin Agius
