PEN Malta tinsab imnikkta bil-mewt ta’ Laurence Grech, personalità prominenti fil-ġurnaliżmu Malti li l-integrità u l-vuċi ta’ prinċipju tiegħu sawru d-diskors pubbliku għal għexieren ta’ snin.
ll-Kumitat Eżekuttiv, PEN Malta, qal fi stqarrija li d-dedikazzjoni ta’ Laurence lejn il-verità, l-imparzjalità u l-ogħla livelli fil-ġurnaliżmu kienet rikonoxxuta minn kulħadd. Fuq kollox, Laurence kien raġel ta’ integrità, u dan jidher fir-rispett li kien igawdi minn madwar l-ispettru politiku, fil-fiduċja tal-qarrejja tiegħu, u fil-ħafna ġurnalisti li mxew fuq il-passi tiegħu. In-nuqqas tiegħu se jinħass.
