Ix-Shadow Minister Ivan Bartolo żar il-Faċilità Korrettiva ta’ Kordin b’rabta mal-Ġimgħa tal-Ġustizzja Soċjali.
Huwa ltaqa’ ma’ wħud mir-residenti li qed jiskontaw sentenza fil-Faċilità fejn fost oħrajn ra fejn isiru l-programmi ta’ riabilitazzjoni, kif ukoll edukazzjoni u appoġġ sabiex jgħinu proprju lil dawn ir-residenti.
Dan kollu bil-għan li jkunu jistgħu jintegraw lura fis-soċjetà wara li jtemmu u jkunu skontaw bi sħiħ is-sentenza tagħhom.
Ivan Bartolo insista li din l-esperjenza urietu mhux biss kemm hija importanti li persuna tiskonta l-piena iżda wkoll ir-rijabilitazzjoni fiha nfisha.
Bartolo rringrazzja lid-diriġenti tal-Faċilità tal-ospitalità.
