Żagħżugħ ta’ 29 sena residenti Birżebbuġa weġġa’ ħafif wara li nqaleb b’vann tal-għamla Ford Transit.
L-inċident seħħ għall-ħabta tal-11:30pm fi Triq l-Imdina, Ħ’Attard.
Fuq il-post issejħu l-pulizija flimkien ma’ tim mediku sabiex jassistu. Aktar tard ir-raġel ittieħed l-Isptar Mater Dei b’ambulanza fejn ġie ċċertifikat li sofra ġrieħi ħfief.
L-investigazzjonijiet tal-Pulizija b’rabta ma’ dan l-inċident għadhom għaddejjin.
